“Aya hal nu béda dina téknis milih
pamingpin antara kiwari jeung baheula. Lamun baheula dumasar kana jajatén calon
pamingpin, ayeuna mah dumasar kana hasil sora nu milih”. Kitu saur Aki Kodir 98
tahun. Anjeunna nyaritakeun kumaha jajatén pamingpin-pamingpin baheula hususna Raden
Ngabehi Wirawangsa, atawa Raden Tumenggung Wiradadaha I dalem Sukapura
(kiwari Tasikmalaya). Raden Tumenggung Wiradadaha, kantos lalampahan ka
Cikancra (Cikalong) pikeun milari bako, pédah Cikancra téh kasohor ku bako nu
kualitasna hadé cenah. Hiji mangsa, urang Cikancra ngarasa bosen bako na
disébakeun waé ka Raden Tumenggung Wiradadaha. Tuluy, masarakat Cikancra méré
bako sebul ka Raden Tumenggung Wiradadaha, sangkan Raden Tumenggung Wiradadaha
henteu deui-deui mundut bako. Kusabab bako na bako sebul, Raden Tumenggung
Wiradadaha mapatkeun jampé nu mana antukna bako Cikancra teu deui kawéntar ku
kualitasna nu hadé. Malah, nepi ka ayeuna teu kadéngé deui yén Cikancra téh
mangrupa lembur penghasil bako nu
kualitasna hadé. Matak teu anéh mun kiwari, jenengan Raden Tumenggung
Wiradadaha, tetep ngagalindeng diabadikeun jadi ngaran tempat olahraga nu
kawéntar di Tasikmalaya nya éta “DADAHA”. Éta mangrupa bukti yén pamingpin
baheula boga kasaktian nu sok dipaké keur panyalindungan rahayatna. Mugia,
Gupernur Jabar kahareupna bisa boga jajatén dina versi nu
kumaha waé nu bisa nangtayungan rahayatna, saperti kiwari nu can
katingal sihungna nalika isu BASA SUNDA TEU ASUP KANA KURIKULUM 2013. Geura turun
Ki Sunda !!!
Referensi: Aki Kodir 98 taun.
Komentar
Posting Komentar