Harita keur kuring SMA kelas dua belas, kuring miluan seminar ngeunaan
jurnalistik di Kacamatan Cipatujah, Kabupaten Tasikmalaya nu dialpukahan ku
mahasiswa IAIN Cipasung Tasikmalaya. Harita kuring diwanohkeun kana istilah
“DUIT”, nu mangrupa singgetan tina kecap Du’a, Usaha, Ihtiar, sarta Tawakal.
Saprak ti dinya, éta kekecapan DUIT téh langsung jadi silokaning hirup kuirng.
Ti dinya, cita-cita kuring hayang nuluykeun kuliah ogé asa beuki sumanget najan
lamun ningali kaayaan kolot mah sok pikanalangsaaeun. Heueuh, lainna kuring teu
ngukur ka kujur, da kumaha kuring boga kahayang sarta kayakin bakal neruskeun
sakola ku jalan nu teu ngaripuhkeun kolot. Lain teu manggihan kapeurih dina
salila ieu kuring bajoang téh, justru anggapan ti masarakat mah kuring téh ngan
saukur ngimpi hungkul. Beuki unak wé saprak pun Biang ngantunkeun mah teu
percayaeuna téh. Tapi ieu mangrupa bukti yén ku “DUIT” sagalana InsyaAlloh
kahontal. Kuring bias kuliah di Jurusan Pendidikan Bahasa Daerah UPI Bandung ku
jalan nu teu disangka-sangka. Hatur Nuhun sadayana..
*Geger Arum, 4 November 2012
Komentar
Posting Komentar